Teneba una mirada bien escoscada, os suyos güellos berdes deziban sin dezir, no sabeba d´emboliques ni d´embrollas, natural de contino, fiel como ra mesma güembra, anque teneba intes en los que te poderba esgarrapar a cara si berruntaba que no bi eba reziprozidá.

Una nuei, sin más ni mangas - ella se´n sabrá por qué - s´abentó de casa. Un día, dos, tres e cuatro sin saber cosa. O zinqueno m´amanexió ploriconiando con una pateta de debán tallata. Me miró como una persona en tanto la curaba. Pa cutio la clamé Curra.

Chusé Antón